惡犬成形記－－長腿媽媽在街上把我帶回家 (2)

手術後, 長腿媽媽把惡犬接回家, 嘗試同佢沖涼,點知洗咗五次啲水都係污濁,為有帶佢去美容院將毛剃光，變成一隻醜醜的無毛廋廋的單眼小狗。

由於在街上遇到種種傷害，比如受野狗襲擊，人類的暴力對待，例如被人用腳踢，用棍打，要同其他流浪狗野狗爭食,又得不到溫飽。惡犬對人同狗都十分有介心，心裡留下好大陰影。

在長腿媽媽家,惡犬可以吃個飽，而長腿媽媽也讓他吃個夠，以減除對饑餓同缺乏食物陰影，及增加体重。

可是對人類的襲擊留下很大嘅陰影，每次見到男人，由其是穿黑衣黑褲的或制服的或皮膚黝黑的，例如大廈保安，都會變得很凶，想咬一口，我們相信曾經有穿制服或黑衣褲皮膚黝黑的男人用棍打他，因為他看見有人拿雨傘或一卷紙也會變得很凶，好像見到仇人一樣，發狂似的沖前同不停地吠。

每當長腿爸爸放工回家，惡犬也會做出以上的行為，還追著長腿爸爸咬，因為長腿爸爸是穿深色西裝而皮膚比較黑，每次長腿媽媽也要把惡犬關在籠裏，但關籠惡犬會吠，長腿爸爸覺得惡犬需要嚴厲的管教，長腿爸爸跟惡犬如火星撞地球，從此家裏永無寧日。長腿媽媽一時間也想不到辦法。

而給人領養的機會也等於零，為有繼續養住惡犬先，遲些再作打算。

好彩，惡犬貪吃，不對, 係十分貪吃,見到食物就會變得比較乖，所以長腿爸爸每日放工回家時，就會給惡犬一些小吃，而惡犬也慢慢覺得長腿爸爸係不會傷害他，還常常待在長腿爸爸身边，希望有牠心爱的曲奇饼小吃可食。

由於時時與長腿爸爸分享曲奇,惡犬慢慢由瘦犬變成肥惡犬喇!

至於惡犬點解會同Yiyi一起生活，那又是另一個故事啦。

(待續)

惡犬成形記 - 可憐的狗狗 (1)

跑呀跑, 好似隻兔仔咁, 跑呀跑, 好開心,好奇咁四周望, 周圍八卦一番, 回頭一看,惡犬巳身處陌生地方,主人巳不見蹤影。

惡犬：「  主人, 主人,你係邊呀? 主人, 主人呀!嗚嗚! 嗚嗚嗚嗚...........」

惡犬走失了.。

(狗主有責任用狗繩把狗牽好,以免狗狗走失,受到不必要的心靈及肉体的傷害. )

**********************************************************



惡犬：「我的左眼睛好痛。肚肚很餓。」

一邊走一邊用還可以看得見的右眼睇睇有無野可以食。前面有兩個女學生，希望她們有食物可以分一點比我食啦!

惡犬：「學生姐姐,妳地有無野可以比我食呀? 」

女學生：「哇！媽呀，有狗呀！隻眼好核凸，快啲走呀！」

長腿媽媽：「o依 ! 有隻狗仔，好似好肚餓咁，比啲蛋糕佢食先，哇，隻眼嚴重受傷。狗仔食完啦！我無蛋糕啦, 拜拜啦！」

長腿媽媽心想：邊個咁無陰公，丟掉隻狗係處 等佢自生自滅。屋企巳收養咗一隻受虐待o既狗狗,唔可以收養你呢！ 不過狗仔如果你跟住我，我就帶你返屋企先喇,醫好你再幫你揾主人。

惡犬當然唔知長腿媽媽個心點諗,只係一路跟住長腿媽媽：「姐姐，我重好肚餓呀，重有無野可以比我食呀？」

長腿媽媽：「哎!好啦！見你咁可憐，我就帶你返屋企先喇。」

因為惡犬實在太污糟邋遢，長腿媽媽將自己件外套除咗，包住惡犬抱回家，再帶佢去獸醫處，希望將受傷眼睛醫好,然後找主人。

獸醫叔叔一邊檢查一邊話:：「隻狗大約十個月大,係西施種,無晶片，應該流浪咗唔係好耐,啲毛都唔係好長, 右上犬齒齗咗, 左邊隻眼嚴重受傷, 眼球要切除,如果唔係比你救咗,再過多兩日佢就會因眼嚴重發炎引致血中毒而死,佢真係好好彩啦！」

(三 個 月 大 的 狗 隻 便 可 以 注 射 預 防 狂 犬 病 疫 苗 ， 植 入 微 型 晶 片 及 領 牌 。 法 例 規 定 五 個 月 大 或 以 上 的 狗 隻 必 須 領 有 牌 照 。 )資料來自漁農自然護理署。http://www.afcd.gov.hk/tc_chi/quarantine/qua_awc/qua_awc_ac/qua_awc_ac_dog/qua_awc_ac_dog.html

惡犬就留係獸醫處接受眼球切除手術, 獸醫把佢o既左眼球切除,然後將眼簾縫在一起。從此惡犬就剩下一隻眼。

(待續)