大約個多月前, 一個週末的中午,同兵兵落街行, 行經會所對開空地, 見到有一隻Corgi被綁係欄杆, 旁邊放下用膠袋裝的水, 隻Corgi好似很焦慮, 不停望來望去似找主人, 又不停吠, 剛巧有個外籍女士行過話一小時前隻狗已經係度,心想無理由會係度遺棄狗狗, 主人應該好快回來找牠, 就繼續同兵兵散步去, 大約半小時後, 回去那裡看看隻Corgi比主人接走未,Oh! no,隻Corgi 還在, 重有一男一女一隻Corgi 同佢玩, 但唔係狗狗主人, 只是好心比水佢飲, 用膠袋裝的水已倒瀉, 計一計隻Corgi 已被綁係欄杆超過個半小時, 個日天氣好,太陽大,時值午後,咁曬法好易中暑。
於是打電話比管理公司, 請他們幫忙找狗主, 過了幾分鐘, 一個女"實Q"同女狗主一齊到, 係傍跟住一個似剛剛游完水嘅小朋友,可能係狗主個孫,個女主人全無侮意咁話因為會所無位綁狗狗所以先至將隻Corgi綁係度,如果會所唔比佢嘅小朋友入,唔知佢会唔会綁佢嘅孫係度呢？
這件事發生兩個多月後,就發生有狗狗中暑而死去,真令人難過。
香港嘅夏天十分酷熱,十二點至四點都不宜在街上放狗,除非是逛有冷氣嘅商場啦,因為由早曬到中午,街上嘅地已经被太陽曬得很熱,到了下午更加熱,如果唔信你大可以用手放在地上就知有幾,而狗狗比人類更接近地面,又無著鞋幫佢隔熱,所受嘅温度十分高,由其是小型狗,離地面十分近,而熱氣不繼從地面發出,小狗会好難受。所以夏天最好在早上或夜晚放狗,及帶備凍水比狗狗飲,以免狗狗体温過熱不適。
不過試過夜晚放狗,發覺地面也不會是涼,只是無咁熱啫,如果狗狗行咗一陣就唔行,可能太熱啦,把佢抱起或比凍水(凍滚水加冰)佢飲,降降温呀!等狗狗舒服啲。
主人你去咗邊呀？
請愛你的狗狗,請做個盡責的主人。
沒有留言:
張貼留言