愛與痛

上月底外遊，照舊將肥兵送去狗狗酒店住，長腿媽媽覺得住酒店不太好，長時間困係個房到,(個房有政府狗房既咁大,有60呎連70呎有蓋運動場,有冷氣, 按比例肥兵住既房比我住既屋重大 ), 雖然每日都會出去散步, 但是始終覺得自己照顧好啲, 照舊幫我早點把肥兵接回她家住，然後等我外遊回來可以休息一下才接肥兵回家, 當我回來後, 長腿媽媽跟我說如果肥兵乖乖的話, 可以在她家過暑假, 因為她家差不多每天下午都開冷氣的, 而我要上班無法每天在下午開冷氣比肥兵嘆! 如全日開的話又太凍啦! 咁肥兵就可以開開心心係長腿媽媽家住, 唔洗一隻狗係屋企發呆咁慘啦!

可惜好景不常, 有日長腿媽媽家中傭人帶家裡三隻狗狗同肥兵一起散步時, 對面鄰居的小朋友因為心急要去游水, 將家裡大門大開, 而他們的狗狗就跑出來, 走到狗狗們前, 聞聞聞, 一個唔高興就一口咬住肥兵條頸來 "fing", 好彩就在危急那刻狗狗主人趕至將狗狗喝止, 而長腿媽媽在家聽到狗狗們狂吠, 但不知發生什麼事, 等家傭姐姐抱住肥兵回來告知, 才知事態嚴重, 立刻送肥兵去看獸醫, 肥兵之前由於事發特然, 一時受驚,反應不來, 但在去看獸醫途中肥兵變得煩躁不安,也可能是傷口痛,郁來郁去,傷口流血,幸好好快到獸醫診所, 當然要麻醉先至可以洗傷口同縫針, 長腿媽媽為有先回家,等獸醫幫肥兵處理好傷口,三小時後才可接回家.

當長腿媽媽打電話話我知時,她是剛從獸醫診所回家等,重未接肥兵,我聽到當然十分擔心同傷心啦, 肥兵的遭遇已經夠慘架,今次又比狗咬,真係命苦呀!心理上一定又受到傷害

兩天後的週末,去了探肥兵, 佢見到我就立刻"依依亨亨", 好像要話我知佢受傷了

肥兵十分唔開心

傷口弄髒了衣服

要用紗布包裹, 以免肥兵用腳"R"

 

(以下照片可能引起不安,看不看自行決定)

 

 

 

 

 

 

兩個深深的傷口用三粒釘(皮釘)釘埋, 附近都有傷痕,有些係比狗咬做成,而有些係剃毛時做成的, 每日都要洗傷口, 心疼死我啦! (真想咬反隻衰狗 )

肥兵: YiYi, 隻衰狗咬我, 好痛呀!嗚嗚......................

可憐的肥兵,心理受創,變得十分"痴"人同無晒心機, 傷口要十日先可折釘

(傷口已經埋口, 肥兵已折釘啦! 佢既心理應該無問題,因為佢又當自己係長腿媽媽既 body guide, 要保護長腿媽媽, 成日吠家傭姐姐 , 真係比佢激死  )