年初三嚴寒下的户內活動

嚴寒下有什麼户內活動好做呢?又可以抵抗低溫呢? 打麻雀,打機, 躲係被窩裡......
.
.
.
.
.
.
.
.
.
.
.
.
.

不要心邪呀! .....................煲劇? 通通都唔係


係
.
.
.
.
.
.
.
.
.
.
.
.
.
.
.
咪係焗麵包囖! 你諗多咗喇!

係, 我係有啲傻 (邊個話我傻,我請你食燒鵝), 咁冻都做麵包, 真係有啲同自己過唔去,其實係見個新玩具未用過,想試下啫! 部新玩具係用一個比較平的價買來,話說有一日接到長腿媽媽的電話問某牌子的 food mixer 好唔好用,但我未聽過個牌子,長腿媽媽話睇報紙見到係resell, 九成新,有1000 watt,只要幾百元, 買部手提都係咁上下. 之後某日又收到長腿媽媽的電話,話係賣food mixer 的地方,重有其他野賣,係出口去德國,問我買唔買,其他的我無興趣但food mixer 就有,橫掂我想買既牌子又無貨,咁就不如平平地買住里部,而賣家又有部1200 watt, 就係咁就買咗部food mixer 喇! 唔知長腿媽媽用過部機未呢!?


嚴寒下的包在最後發酵階段,已經發了個多小時,都無1陪大,重好似唔多大tim, 以為係啲中種放係雪櫃太耐唔夠力
(用仙姐的甜餐包食譜,用了兩份中種,而減少新鮮酵母既份量,無耐包包好似不長大)



最後唔理咁多,焗咗先至算啦, 點知又發得起喎!


家裡無咩可以做餡料,只有芝士,咁就刨啲芝士碎係包面,咸咸香香,不錯吃!


包包以正常的體積現身

試機的結論係,一至三度的力度都好平衡, 一到第四度就跳級,力度大好多,我將部food mixer放係張電腦枱上,一開到四度張電腦枱就不停咁搖,就黎散咁樣,可能係得兩隻工字腳的原因啦!我為有最多開到3度囖, 始終都好過自己用手搓,真係搓到天光都未得!

等得閒試吓整蛋糕先!冀待中!!