今晚食乜餸－－魚柳菜心加乾狗糧

是曰晚餐－－魚柳菜心加乾狗糧


肥兵一曰食兩餐，早上當然係乾狗糧啦，滚水淥脚咁趕住返工邊有時間整野比佢食，有時間都整比自己啦，我都係買個麵包食咋。但晚餐就一定比d菜及肉加狗糧，加菜加肉係想比少d乾糧，因為乾糧唔多唔少都有防腐劑同一d唔清楚嘅成份，其實小時侯家裡養嘅狗係比牛筋同牛肉碎加白飯(如無記錯)，我覺得以前隻狗幸福啲。

常用嘅菜有－－菜心(首選)、小棠菜、broccoli(比較少)、椰菜(甚少)

肉就只有冰鮮雞柳同frozen魚柳，比牛肉肥兵食佢會出粒粒，可能太燥熱，而狗狗係消化唔到豬肉，羊肉就末試過，不過佢都食過羊嘅乾糧無乜唔妥。但係隻乾糧(Canine Caviar)係剛剛同肥兵轉,食咗一包，都好貴吓，$70+一包得1kg,隻糧成份唔錯，再買了一包，重介紹咗比二毛Yiyi買，點知佢去買時pet shop (Dxx Oxx Lxxx)就唔賣啦，又要轉糧，暫時食住Hill's 嘅Nature's Best,海胆表弟(二毛Yiyi嘅細仔)都係食哩隻糧，希望可以快d揾到隻好糧比肥兵食啦。