洗白白 -- 11 1 2009 & 潔牙骨骨

潔牙骨骨

Yiyi話我有牙石要洗牙。唔洗得唔得呀，至多得閒食吓骨骨啦，我咬我咬我咬咬咬咬.....................

唔，真係好好味！(洗白白前)



洗白白

天氣实在太凍Yiyi話唔想同我沖涼涼，因為上星期佢同我沖涼時將水温較得太凍，凍到我tun tun 震，雖然後來佢發現後把水温提高，但我以冷傷風流鼻水啦！Yiyi好驚我会變肺炎，時時用手摸我頭頭同鼻鼻睇吓我有無發燒，但有鼻塞好辛苦，Yiyi就同我按摩鼻鼻同頭頭,真係好d架，不過我有食晚飯，Yiyi先至無咁担心，第二曰我都重有流鼻水，Yiyi就比橙橙我食，佢話橙橙有vitamin C会幫我打走d鼻水，我唔知vitamin C係唔係咁叻，只知橙橙好好味同好香，到第三日我好返啦！vitamin C真係好叻吖。

行完街街Yiyi覺得我实在太污糟邋遢，d毛毛係灰色決定同我洗白白，今次佢把水温調得高咗，我以為佢想將我淥熟嚟食，佢成曰話天氣咁凍應該打邊爐喎，我的脚脚好熱，話佢知佢又唔明，好彩佢發覺後再將水温到剛剛好，洗得好舒服，例牌我唔想洗頭頭啦，於是又比佢鬧，話我曳曳，基本上每次都會重復以下嘅對話。

Yiyi：「肥兵沖涼涼啦！」一手把我抱起放在bath tub，調好水温用花灑將我淋濕後用shampoo洗两次身再洗两次頭。一邊洗一邊話：「肥兵你好污糟呀！係dirty豬呀！唔好郁啦，洗完就靚靚架啦。」肥兵：「我當然靚仔啦，唔駛講都知啦。」洗頭時Yiyi會話：「唔好郁來郁去，你個頭最污糟成日擦柱周圍聞，乖啦！」肥兵四圍郁試圖逃走：「都話唔洗頭頭囉，d水入鼻鼻好唔舒服呀！」Yiyi：「乖啦，好快就洗完架啦，唔好郁啦，唔郁d水就唔會走入鼻架。」肥兵繼續係咁郁，Yiyi扯火將聲線提高：「唔好郁呀，邊個曳曳唔聽話呀，係曳曳豬呀！」肥兵最怕人話佢曳，就會變得合作d唔會郁咁多，Yiyi：「Good boy boy，乖啦。」

Yiyi好快手咁同我沖涼，沖完後立刻用風筒將我d毛毛吹乾，今次無冷親啦。

\

睇吓d毛幾白幾乾淨

鼻鼻無流鼻水啦！

唉！明天又會重複以上嘅對話。