三千煩惱絲(長毛照已經補上)

人就有三千煩惱絲, 狗狗全身都係毛, 應該有上萬煩惱絲, 不過煩惱嘅唔係狗狗而係主人, 話說前陣子有日特然轉冷又乾燥, 怕肥兵冷比咗件纖維質地衫佢穿, 咁就出事啦! 佢嘅毛同件衫磨擦下, 加上嗰幾天我無時間日日幫佢梳毛, 再加上佢lam手lam腳, d毛就打晒結, 於是立刻同佢梳毛,又梳又剪足足一小時都只係解到小部份, 如果剪晒d結嘅話, 就一定似隻賴痢狗, 一忽忽。見今年天氣比去年熱得多,(記得去年二月又冷又多雨,整整落足一個月雨,今年就很少落雨。) 於是下定決心, 帶肥兵去剷毛, 當我去接佢時, 心想:嘩! 啲毛咁短嘅, 不過又暗暗開心, 因為跟着有两三個月嘅時間同佢沖涼都會很輕鬆,毛都唔洗點吹。


後補的長毛照

嘩! 我幾時養咗隻古老牧羊狗架！

 

先來無毛照,不對,應該是短毛照。

如果佢扒係到就會似隻燒鵝或乳豬全體，都好肥美吓！

發現有些地方剷到,有損傷要搽药水，而且大腿有好似比蚊咬一點點紅點，不知道是敏感或是什麼！？

肥兵好無心機，莫非佢知道無晒啲毛唔靚仔。

肥兵:姨姨好衰架，剷晒我啲毛，你叫我落街街時顏面何全，實比其他狗狗笑死啦。

姨姨:肥兵，啲雄獅都係個頭同條尾有毛之嘛，所以你而家好有威嚴架！

肥兵:真嘅？唔好騙我喎。

姨姨:  無騙你呀！